Fərzəliyeva Zenfira Əlibaba qızı
N.Nərimanov adına Azərbaycan Dövlət Tibb institutunun müalicə-profilaktika fakultəsini 1974-cü ildə fərqlənmə ilə bitirmişdir.
1974-1975-ci illərdə Azərbaycan Dövlət Tibb institutunun, Respublika klinik xəstəxaasının nəzdindəki neyrocərrahiyyə kafedrasında internatura kursunu keçmişdir.
1975-1979-cu illərdə Latviya Respublikasının Yurmala şəhərində cərrah, 1979-1981-ci illərdə isə Liepaya şəhərinin şəhər klinik xəstəxanasında nevrapotoloq vəzifəsində çalışıb. Elə bu zaman akupunkturanın əsaslarını öyrənməyə başlamışdır.
1981-1986-cı illərdə Çexoslovakiyanın Ololouts şəhərindəki Hərbi Hospitalda nevropatoloq vəzifəsində işləyib və nevroloji xəstələrin müalicəsində akupunkturanı tətbiq edib.
1986-1991-ci illərdə Azərbaycan Neyrocərrahiyyə Mərkəzində neyrooftalmoloq vəzifəsində çalışıb.
1987-ci ildə Ə.Əlyev adına Azərbaycan Həkimləri Təkmilləşdirmə institutunun göz xəstəlikləri kafedrasında 4 aylıq təkmilləşmə kursunu keçdikdən sonra oftalmoloq ixtisasına yiyələnib. Həmin ildə Moskva şəhərində Burdenko adına Neyrocərrahiyyə xətəxanasında təkmilləşmə keçib neyrooftalmoloq ixtisasına yiyələnib.
1991-1994-cü illərdə Respublika klinik xəstəxanasının göz xəstəlikləri şöbəsində oftalmoloq vəzifəsində çalışıb.
1992-ci ildə Ə.Əliyev adına Həkimləri Təkmilləşdirmə institutunda refleksotrapiya üzrə 2 aylıq kurs keçib.
1994-cü ildə Azərbaycan Elmi-Tədqiqat göz xəstəlikləri institutunun sinir-damar şöbəsinə oftalmoloq vəzifəsinə qəbul olunub.
1996-cı ildə həkim-oftalmoloq ixtisası üzrə I kateqoriyaya nail olunub.
2004-cü ilin fevral ayında «Makulodistrofiyaların patogenezinin bəzi tərəflərinin öyrənilməsi və akupunkturanın bu xəstəliklərin müalicəsində effektivliyi» adlı namizədlik dissertasiyasını müdafiə edib.
Z.Ə.Fərzəliyevanın elmi işləri oftalmologiyada yeni diaqnostik üsul olan Riodaraku metodu ilə xəstələrin müalicəsinə və akupunktura müalicə üsulu ilə makulodistrofiyaların müalicəsinə həsr olunub.
O, yüksək hazırlıqlı elmi işçi, klinisist və oftalmoloqdur. Öz təcrübəsini cavan həkimlərlə bölüşdürməyə həmişə hazırdır, onun 20 qədər elmi işi, 2 səmərələşdirici təklifi var.