Tibb elmləri namizədi, baş elmi işçi Haşımova Nübar Fayzı qızı, 1945-ci il təvəllüdlü, institutda uşaqlarda gözün patologiyası şöbəsinin böyük elmi işçisi vəzifəsində çalışır. 1969-cu ildə N.Nərimanov adına Azərbaycan Dövlət Tibb institutun müalicə-profilaktika fakultəsini bitirib.

1973-cü ildən Azərbaycan Elmi-Tədqiqat Göz Xəstəlkləri institutunda işləyir.
Sabiq Sovet İttifaqının aparıcı oftalmoloji mərkəzlərində, o cümlədən Helmholts adına Moskva Elmi-Tədqiqat Göz Xəstəlikləri institutunda, Mərkəzi Həkimləri Təkmilləşdirmə institutunda və «Gözün mikrocərrahiyyəsi» Sahələrarası Elmi-Texniki Kompleksində ixtisasını artırmışdır.
1990-cı illərdə uşaqlarda travmatik kataraktanın ekstraksiyası zamanı müxtəlif növ kəsiklərin müqayisəli qiymətləndirilməsi üçün klinik-eksperimental tədqiqatları aparıb və 1997-ci ildə «Uşaqlarda fəsadlaşmış travmatik kataraktanın ekstraksiyası zamanı tətbiq olunan müxtəlif kəsiklərin nəticələrinin müqayisəli qiymətləndirilməsi» mövzusunda namizədlik dissertasiyasını müdafiə edib.
Şöbədə oftalmologiyanın müxtəlif aktual problemlərinə həsr olunmuş plan elmi mövzularının işlənilməsində fəal iştirak edir, 90-dan artıq elmi əsərin müəllifidir, bir çox beynəlxalq elmi oftalmoloji konfransların iştirakçısıdır.
N.Haşımova oftalmocərrahiyyənin yeni üsullarına fəal yiyələnərək, uşaqlarda gözün mikrocərrahiyyəsi sahəsində şöbənin aparıcı mütəxəssislərindən biridir, uşaqlarda anadangəlmə qlaukoma və katarakta, travmatik katarakta, görmə orqanının travmaları zamanı ən müasir cərrahi müdaxilələri müvəffəqiyyətlə həyata keçirir.