Məhəmmədova Solmaz İbrahim qızı, 1952-ci il təvəllüdlü, tibb elmləri namizədi, aparıcı elmi işçi, görmə orqanının sinir-damar patologiyası, zədəsi, infeksion xəstəlikləri, qlaukoma və s. zaman aparılan morfoloji müayinələr üzrə qrupunun rəhbəridir, 1 monoqrafiyanın, 6 metodik tövsiyənin, 14 səmərələşdirici təklifin, 1 müəlliflik arayışın, 3 patentin, 130-dan artıq elmi məqalənin həmmüəllifidir. Oftalmoonkologiya sahəsində tədqiqatlar aparır, göz almasının melanoması, retinoblastoması və digər yenitörəmələri üzrə müayinələrlə məşğuldur, gözün müxtəlif lokalizasiyalı piqment yenitörəmələri zamanı ultrastruktur, histokimyəvi, morfoimmunohistokimyəvi müayinələri sahəsində respublikada yeganə mütəxəssisdir.
Bundan əlavə S.Məhəmmədova mikrobioloji laboratoriyanın da rəhbəridir. Laboratoriyada Xəzər regionunda qaz- və neftçıxarma sənayesinin aktivləşdirilməsi ilə əlaqədar olan ətraf mühitə toksik maddələrin zərər təsiri nəticəsində əmələ gələn gözün ön kəsiyinin intoksion-allergik xəstəliklərinin etioloji amillərinin öyrənilməsi önəmli yer tutur.