Tibb elmləri namizədi Ağayev Misirxan Muradxan oğlu ,büllurun patologiyası mərkəzinin rəhbəri.
1973-cü ildə Azərbaycan Dövlət Tibb institutunu fərqlənmə diplomu ilə bitirmişdir. 1973-cü-1974-cü illərdə Azərbaycan oftalmologiya institutunda internatura, 1976-1978-ci illərdə isə kliniki ordinaturada hazırlıq keçmişdir. 1983-cü ildə Helmholts adına Moskva ETGX institutunda məqsədli aspiranturanı bitirmişdir və həmin ildə «Buynuz qişanın dəlib keçən və cərrahi əməliyyat yaralarının sağalmasında ön kamera mayesinin əvəzedicilərinin müqayisəli öyrənilməsi» mövzusunda namizədlik dissertasiyasına müdafiə etmişdir.
1976-cı ildən kataraktanın mikrocərrahiyyəsi ilə məşğuldur, 32 elmi işin və 4 səmərələşdirici təklifin müəllifidir.
40 ildən ardıqdır ki, büllurun patologiyası zamanı aparılan cərrahi əməliyyatlarla, xüsusilədə gözdaxili süni büllurların implantasiyası ilə məşğul olur. Bu patologiya zamanı mövcud olan bütün cərrahi əməliyyatlar onun tərəfindən müvəffəqiyyətlə aparılır, bundan əlavə qlaukoma əleyhinə olan cərrahi əməliyyatlar, göz almasında və göz qapaqlarında olan törəmələr zamanı lazım olan cərrahi əməliyyatlar müvəffəqiyyətlə yerinə yetirilir. Rusiyanın və digər xarici ölkələrin aparıcı klinikalarında, oftalmoloji mərkəzlərdə olmuş və çox sayda beynəlxalq konfransların, qurultay və simpoziumların iştirakçısı olub.