GÖZ XƏSTƏLİKLƏRİNİN FUNKSİONAL VƏ LABORATOR DİAQNOSTİKASI MƏRKƏZİ
T.e.d. Hacıyeva Səidə Arif qızı, 1955-ci ildə anadan olub, 2006-cı ildə göz xəstəliklərinin funksional və laborator diaqnostikası mərkəzin rəhbəri vəzifəsinə təyin olunub.
1988-ci ildən bu günə kimi akad. Z.Əliyeva adına Azərbaycan Elmi-Tədqiqat Göz Xəstəlikləri işləyir.
1993-cü ildə Moskva şəhərində akad. S.N.Fyrdorov adına «Gözün mikrocərrahiyyəsi» SETK-də «Kataraktanın müxtəlif mərəhələlərində ultrasəs müayinə metodları ilə hemodinamikanın öyrənilməsi» mövzusunda namizədlik dissertasiyasını müdafiə etmişdir. Hazırda «Müxtəlif modifikasiyalı intraokulyar linzaların implantasiyasıyla yetişməmiş qocalıq və fəsadlı kataraktaların fakoemulsifikasiyası zamanı ultrasəs müayinə metodları» mövzusunda doktorluq dissertasiya işi tamamlanmış və intsitutun Aprobasiya Şurasında müzakirə olunaraq açıq müdafiəyə tövsiyə olunmuşdur.
S.A.Hacıyevanın elmi-tədqiqat işlərinin nəticələri dünyanın bir çox ölkələrində çap olunmuşdur (73 elmi əsər, 8 səmərələşdirici təklif, 1 ixtira). O, Rusiya təbabətdə ultrasəs diaqnostikası üzrə mütəxəssislərin Assosiasiyasının, akad. Z.Əliyeva adına Azərbaycan Elmi-Tədqiqat göz xəstəlikləri institutun Elmi Şurasının və Aprobasiya Şurasının üzvüdür.
Ultrasəs müayinə metodları göz xəstəliklərinin differensial diaqnostikası məqsədlə institutda geniş tətbiq olunur. Mərkəzdə A-skaneretmə və B-skaneretmə üsullarının tətbiqi ilə ağır oftalmoloji patologiya növlərinin sırasına daxil olan göz yuvasının və göz almasının yenitörəmələrinin, şüşəvari cismə qansızmaların, gözün arxa kəsiyinin qişalarının birincili və ikincili qopmalarının, göz almasının kontuziyaları və dəlib keçən yaralanmaları zamanı hemoftalmın, endoftalmitlərin və gözün digər xəstəliklərinin diaqnostikası aparılır, göz almasının ağır dəlib keçən travmaları zamanı gözdaxili yad cisimlərin, tor qişanın və damarlı qişanın qopmasının mövcudluğu təyin olunur, klinik və cərrahi müalicəsi taktikasının düzgün seçimi təyin edilir. Mərkəzdə cərrahiyyənin yeni nailiyyətlərindən biri olan fakoemulsifikasiya əməliyyatının nəticələrinin keyfəyyətini yüksəldən yumşaq intraokulyar linzaların şüasındırma əmsalını təyin edən lokalizasyon exoqrafiya üsulu da geniş tətbiq olunur.